Կացության գործերի կառավարման նոր էլեկտրոնային համակարգ` ֆիզիկական և իրավաբանական անձանց համար

Ազգությամբ հայ լինելու հիմքով

Այս հիմքով կարող են դիմել ազգությամբ հայ այն օտարերկրյա քաղաքացիները, ովքեր կարող են հիմնավորել ազգությամբ հայ հանդիսանալու հանգամանքը։

Աշխատանքային պայմանագրի կամ կամավոր աշխատանքի հիմքով

Այս հիմքով կարող են դիմել աշխատանքային պայմանագիր կա՛մ կամավոր աշխատանք կատարելու մասին պայմանագիր ունեցող, կա՛մ կնքելու հնարավորություն ունեցող, կա՛մ Օտարերկրացիների մասին ՀՀ օրենքի 23-րդ հոդված 1-ին մասի «ե»-«թ», «ժբ», «ժե», «ժզ», «ժթ», «ի» կետերով նախատեսված աշխատանքի թույլտվություն ստանալու բացառությունների ցանկին համապատասխանող օտարերկրյա քաղաքացիները։

ՀՀ-ում կատարված ներդրման հիմքով

Այս հիմքով կարող են դիմել օտարերկրյա այն քաղաքացիները, ովքեր կատարել են առնվազն 5 մլն դրամի ներդրում։

Ուսման հիմքով

Այս հիմքով կարող են դիմել ՀՀ-ում գրանցված ԲՈՒՀ հանդիսացող կազմակերպությունները՝ օտարերկրյա քաղաքացի հանդիսացող ուսանողների համար, ինչպես նաև ՀՀ-ում գրանցված մասնավոր ընկերությունները՝ ոչ ֆորմալ կրթության հիմքով օտարերկրյա քաղաքացիների համար

Ձեռնարկատիրության իրականացման հիմքով

Այս հիմքով կարող են դիմում ներկայացնել ՀՀ-ում գրանցված օտարերկրացի անհատ ձեռնարկատերերը կամ ՀՀ-ում գործող իրավաբանական անձը՝ ընկերության սեփականատեր/բաժնետեր հանդիսացող օտարերկրյա քաղաքացիների համար

Ընտանեկան հանգամանքներ

Այս հիմքով կարող են դիմել ՀՀ քաղաքացիները կամ ՀՀ-ում կացության կարգավիճակ ունեցող անձինք՝ իրենց օտարերկրյա քաղաքացի հանդիսացող մերձավոր ազգականների (ծնող, ամուսին, զավակ) համար